© 2000 by Kingdom-C Edinfotainment LTD.

[千字文mode]

July 28, 2016

[千字文mode]
啱啱經歷咗人生第一個演唱會,有啲滿足,又有啲失落,又有啲後悔,但又有啲開心...我諗哩種應該係真真正正嘅百感交集。
應該多謝咗先..
多謝拔,無你就唔會有showoff,都唔會有我。
多謝羅總,辛苦你湊住我地廿幾個,真係一人一把聲都搞唔掂。
多謝勤老師,多謝你認得我地每個人,捉住我地每個表演嘅逐個執,重好有心機咁寫好咭仔比我地。
多謝星勤,成日陪住我地練習,同我地打氣
多謝小彤,搵我哩個唔識和音嘅人做第一主打嘅和音。
多謝Cathy同你嘅makeup team,因為你我上台個樣瘦20磅呀😂😂辛苦你地當晚幫我地咁多個人變靚啲
多謝Kary影晒我地啲真實一面出黎
仲有嗰晚台前幕後嘅所有人,每一個都真心多謝你地🙏🏼🙏🏼🙏🏼
當然唔可唔多謝買飛入場睇嘅你地!無論係朋友又好、粉絲又好、自願黎嘅、唔自黎嘅、黎睇我嘅、唔係黎睇我嘅....多謝你地入場,你地肯黎睇係對我地嘅個肯定。

最後要多謝嘅係一班戰友們。嗯,係你地喇!坦白講,其實我無諗過我仲會去玩比賽,但又誤打誤撞咁入咗黎😂我又無諗過會同大家熟,但又好神奇咁同大家熟絡咗。
信我,我一開頭覺得大家都唔係易相處嗰啲人 (我相信大家應該都係咁諗我)...不過對耐咗發現你地係9嘅🙈🙈🙈實在太好玩喇。

哩個幾月雖然chur...又要番工又要排舞又夾時間練歌,直頭人都癲。但我每次都期待同你地班賤人見下,吹下水,吃下紅蘋果嘅時間😳😳😳
其實我理解一件事,就係我地哩度每個人係一條直線,我地各自有各自唔同嘅目的地,而家只不過係碰巧遇上;會一齊走幾遠唔知,會一齊走到邊到都唔知。知道嘅係有任何人要走我都會唔捨得😕
我諗可以做嘅唯有努力咁去進步,將showoff哩個名做好佢。之後會發生咩事?唔知。只知道做好自己,機會就會黎搵你👍🏼👍🏼👍🏼

今年初講過,至少為爭到一首主打歌。目標未做到!繼續努力!
講多句....啱啱嘅723叫 Showoff Live One,只係一個開始...接住落黎一定會有更多更好玩嘅嘢發生

 

Please reload