[長文mode] CAll休團有感 唔講唔覺原來自己同Kingdom C都幾有緣。 前晚尾場全世界VIP 同緊佢地影相嘅時候，家豪喺隔離同我講: 你都由頭跟到尾呀呵？ 諗落又係真..由星投開始識四子到今日我諗真係有10年。由組band到落西洋菜上紅館到散band...我都算係一個見證者
重記得舊時同同學去GreenBox唱K 點首 ising 嘅時候，個個都問哩隊嘢邊個黎架？ 我一定唔係狂熱粉絲，但我點都算係捧場客...ising, 我們的電車上, 80後時代曲, 天梯, 足球先生, 樂天女孩, 切膚之痛, 家書 我都背得出架🙈🙈🙈 我會咁樣話Callstar，to me佢地係紅酒，係大家都知係好嘢、係越放越好味。只係睇你個人鐘意飲wine定飲可樂喇。 睇住佢地越 blend越好，kind of 都督促自己唔可以放鬆，唔好懶（其實都係懶）
撐遠啲講...我記得我撞過一個燒烤叉嘅忠粉(係超鐘意嗰啲)，佢係cancer康復者，我問佢點解咁鐘意呢？佢話因爲靚仔囉🙈😎🙈😎另外係因為喺佢病嘅時候callstar嘅歌鼓勵咗佢，令佢撐過最難熬嘅時間 你問我..我覺當你成為一個歌手，唱得有幾叻已經唔再重要...重要嘅係你要唱啲咩比你嘅聽眾 ...um......我諗作為一個歌者佢地個已經成功..嗯...好成功 老土嘢唔講嚕...我預祝你四個 單飛衝天！！！加油加油！！！